Hesen Omer
Ji nav hestên poçmayî
û ji nav ramanên razayî
û ji nav hêzên westyayî
şevengê te di ber çavan re buhurî
hest û raman û hêz
tev avêtin warê
bîranînên kovan û kulayî
Erê dema min nemaye
bona evînê - lê eger dewran
hûrdemekê bi min de
ezê diyar kim bê evîn çilo û çawayî
Jiyan nabe bê xebat
ked û kar û kêferat
lê gelek te’le dûriya ji welat
xwezya baxiviya rondika rijyayî
bê ji ku hatî û çima hatî
û çi peyman bi çavan re girêdayî
çiqa sal buhurîn
nikarim kovan biqewrînim ji dil
ev mêvanê giran
çiqa min xan û koçkên dil raxistin
û xemilandin
ta ku pêşwaziya xweşiyê bikin
lê mixabin feleka bê bext
di guhê wê de xwend
ta ku riya xwe dagerand
û qîma xwe bi mêvandariya dil nanî
û dilêm hişt kavilekî vala mayî
li kê bikim ez nifir
li van kes û kara
yan heval û hogira
yan feleka li dijî me
yan radest bibim ji teva ra
car car xweziya xwe tînim bi dîna
car car xweziya xwe tînim bi miriya
dînim û ne dînim mirîme û ne mirîne
jiyana min di wê navê de ……. mayî
Anlam için kelimeye çift tıklayın (Ferheng) Anlam için kelimeye uzun basın (Ferheng)