Hêmin Mukriyanî
Were yarim, were ey taze yarim !
Were estêrekey şewgarî tarim !
Were ey şaperî balî xeyalim !
Were ey şewçiray rûnakî malim !
Were xase kewî ram û kewîy min !
Were îlhamekey nîwe şewî min !
Were oxjinî sîney pirr girî min !
Were pîrozekey berze firî min !
Were awnigî ser pelkî gulî sûr!
Were awrîngî germ û meşxelî nûr!
Were ey rêjne baranî beharî !
Were şî`rî terî pirr wirdekarî !
Were ey newnemamî baxî jînim !
Were ey şagulî mêrgî ewînim !
Were karwankujey katî beyanîm !
Were bîrewerî û awatî ciwanîm !
Were ey but hetakû bit peristim !
Were memkoleket bigrim le mistim !
Were ey (xec), were ey (xatu zîn) mi !
Were ba bejn û belaket bibînim !
Were ba damrê awat û tasem !
Were ba biskeket lada henasem !
Were ba helmijim ew lêwe germe !
Were ba helkuşim ew rane nerme !
Were ciwanê, were nazit bikêşim !
Were wek deste gul datinêm le pêşim !
Were ba bes bikem ew bawe bawe !
Were ba bên bikem ew biske xawe !
Were ba des le balaket werênim !
Were kulmem le kulmet to xişênim !
Were sûrbe le ser wade û belênê !
Were kurd be û meke peyman şikênê !
Were giyanim fîday çawî reşî to !
Were ba hest bikem germîy leşî to !
Were maçim deye maçî xudayî !
Ke bêzarim le maçî sînemayî !
Anlam için kelimeye çift tıklayın (Ferheng) Anlam için kelimeye uzun basın (Ferheng)