Ehmedê Xursî
(şeva sahî wênekêşe
û
her tabloyek derdekî dibêje)
Tabloya -1-
Xemrevîna min….
Navbera min û te
Berîka Zenûbya
û lingên wênî kevirî
û rê hîn jî dûre…
çemê Ferat
Pira daleqandî
şopa lingên Osman
û torinên wî
û rê hîn jî dûre
Yek libên beyaran
Zindan û Sînemeyên şewitî
Sikak û kolanên raketî
Mîna xewa dilberekê
Li hêviya ramîsana
şahekî hijde salî me
li hêviya ramîsana
Ji navbera ebriwên te.
Tabloya -2-
şevvv.. zîîîîze….
Wisa vingîn
Ji dû kerwanên sitêran
dirêje
Cih ne nase…
Mîna çîrokek gulgulî
Xewnan ew ne bînabû
Lê dibe ku
Xortên li paş sînoran
Bi çavan dîtibin
Jiber ku heçhecîk
û dîlekên telîfonan
Bi zaravê hev dizanin.
Tabloya -3-
Xewnên tenik…
Ramanên adîloşane
Ez dibêjim
Yan jî sermeya zivistanane
Havîn dibêje
Hinek dildar bijîjkê dilane…
Yar dibêje
-çima tu ne wisayî..?!!!
Kevok sipî çênî
Serbask bi xine
Neynûk dilop
Nikil dilme
Rewanên pêxemberane
Bihiştî dibêjin.
-çima tu ne wisayî..?!!!
şepolên Xabûr geriyan
Di bin meywan de westiyan
Meywak bi tenê qurmizî
Yên din windane biliyan…
Anlam için kelimeye çift tıklayın (Ferheng) Anlam için kelimeye uzun basın (Ferheng)