Çetîn Satici
Somalyan
“Ma nêwazenîme bibim zê kirmancan”
-1-
û kurdan hêvî da haştiya girse
“O” sevkan`an ra amênê û haştiyan en girse erdêne
“Persî xo ra persay?
Heyano ke cuabî dî?
Cuabê pêro persan dî dilê xo de
û xo bi xo qewe kerd û xo bi xo jî bawer bî cuaban ra
Zerdûşt vîst sera dime, koan ra xo virda ra şaristanan,
Dûhêlan
Dil û rohê xo beyît nêbî serê koan
Dilê xo ra va;
Wext ame endî,
Nî îlmê xo û haştiya xo villa
Kêrî şarî ra.”
Ê ma, şaristanan û dûhêlan waştê Zerdûştî bidê
Cinawiran
-2-
Herbo de girs ser vinetî bî
Nî herbî vurnêne ra her çî
Xo carna bî welatî ser
Pêro çiman û lûluyan
Azmên de, katê hêştin de, pêro çiman û satelîtan
Pêro telefon û radon û frakansan ê bêtêlan
Goş da bî serê welatî
Anglo Sakson`an çim da bî serê roja sîpiye
Nîşan ê xo zerê welat de deqê biye
Nîşanê xo zerê welat de yew çila biye
Nîşanê xo tîja kurd koan biye
Kurd kou ke ez vana,
Welat ê tarî û roj
Welat ê rindan û xiraban
Welat ê
Rindiyê û xirabiyê ra zaf wexto ke dest anto, anciyo koan
Welat ê Ahuramazda û Ehrîman
Welat ê Babîlan û Kardukan û Sûmeriyan
Welat ê Avesta û Tevrat û încîl û Quran
Welat ê mabêne çar çeman de behişt
Welat ê tîja Arî ya ke vejîna serê her pêda kerdena
Homay de
Welat ê ma
Welat ê koan
Welat ê azadiye, welat ê şervanan û qehremanan
Welat ê ma
Welat ê Newrozî
Anlam için kelimeye çift tıklayın (Ferheng) Anlam için kelimeye uzun basın (Ferheng)