Çetîn Satici
“A nama wa ke têw niyama nuşnayene
A nama wa ke têw niyama ruşnayene”
-1-
Wext tadano bêto?
“Eke heyano na roje nêhûya se sewra xem ê to ra wo”
“Eke rûyê mi mirûzino se sewra kerdoxan ê to ra wo”
Bivajî binê nî kou de
Kêyê bivirazî seba to
Nêbeno ke nîta, adir û dû
Virdanê tawa binê hûkmê dişmen de.
Nê, waştiyo nê;
Verde kê nê
Ma rê kulmê wella azade lazima
Waştiyê min o feqîro firêqetî heskerd (!)
“Waştiyo
Mi to ra hes kerdî mi to kerda maşukê xo”
Mi xo qan kerd!
-2-
Famkerdena hesî
Famkerdena dil û hîsî
Famkerdena însanetiya raste
û însan pêda bî şodir ra natêrî
Sare ra
şar pêda bî
A tîja şodîrî ra natêrî
û kurdo newe pêda biye
Adirê koan ra natêrî
Hagî ya to esta?
Ey waştiyo ker!
Waştî to mi niya qebûl nêkerde
Ez ne zaf fiqare
Ez ne jî
Kêneka zaf xirab
Ne jî, feqîra zuqaqî biya
Hes çi bî ke
Kamî pêda kerd bî rûyê dinya de
Kamî, kamî ra hes kerdê ke?
Ma ez se hesî doz kerî
Hes çi bî ke?
Kamî zanitê?
Mi têw nêzanit?
...
Ti şîbî dûrî
şîbî xerîbiye
Nêşkiya serê to vindî
Wext tenik bî wext, wextê kejî bî
Ti amêne, niyamêne
Xaliqî zanitê
Diyax nêkerd
Nika ti vana
“Ez biyamêne
Ma jumîndî baye bikerdê
Paçî bikerdê
Bipilişiyêne piro
şiyîş ke şiyîş o
Ma piya bîşiyêne”
Ti ke zana nêbiyêne!
To nêkena bîraveriya xo
To têw xem jî nêkena!..
Ma kişenê qolikan de
Ez nêzana,
A çi sewda biye serê mi de
To nêvirda,
Nêwirda ke di sare piyazê sipî
Pistinê to de rakuyê her şewe
Mi jî to ra va, bêwelat nêbeno
Tomete ma rê heskerdene,
Tomet bî ma rê
Anlam için kelimeye çift tıklayın (Ferheng) Anlam için kelimeye uzun basın (Ferheng)