Ziyad Neqîb Berwarî
Eşqa te ye ez helandim
Berdayim nav çol û beyara
Bejna te ye ser xoş kirim
Kevtîm rêlêt van aqara
Dengê te ye bo min awaz
Ez rakirîm digel sihara
Dilê te ye xozî û mirad
Mendehoş bûyim li nav wara
Hilo esmer da bi çîne
Serê zîrka ligel bihara
Da vegêrîn wan narîna
Li ser kanîya û li bin dara
Kevne warêt xo ava keyin
Da evîndar li êvara
Biçne nav û bi xo bêjin
Emîn dildar hemî cara
Dê rizgar keyin evan wara
Ji bin destêt van neyara
1979
Anlam için kelimeye çift tıklayın (Ferheng) Anlam için kelimeye uzun basın (Ferheng)