Wusênê Gestemerde
Dewa mi dewa bav û kalî
çend serrî yo ez nêşîya, kewta mi vîrî
Emser ver ra ez şorî dewe bêrî
Hênîyan ra awe nêna sey verî
Hênîyê Lulan kerdo Hênîyê Qaymaqamî.
Cîranî amê pêser Hênîye Lulan ser de
Qisey kenê vaya koyî ser de
Xo vîr ra kerdo no Hênîyê çirtika Meyre
Qerar do ci cîranan vaya koy re.
Wisar o şilî varena, hênî serd o
Laserî ênê, ax liminê derdo!
No çi tofan bî ame ma ser de bawo?
Vareno bi kulman nê feqîran ser de.
Vaşan çînenê êdî cîranî
Nêna êdî awa hênî yê çavkanî
Paleyî çin ê dewe de nê hamnanî
Tek peya çîneno merga gomî
Kanta şîyê Kazim û Can î.
Payîz o, cîranî şonê xerîbîyê
Kilît kerdî keyberî , na çike bîye?
Kes nêmendo dewe de, kanta şîye?
Pîr û kalî tena mendê, na kî ma dîye.
Zimistan o, vewre varena hurdî-hurdî
Mij û duman o Koyê Hazir Babayî
Lojinî dû nêkenê sey verê cûyî
Ra û olax re ma êdî birîyayî.
Berlîn, 06.10.2001
Anlam için kelimeye çift tıklayın (Ferheng) Anlam için kelimeye uzun basın (Ferheng)