WK. Merdimîn
Peynîya peyên de
Ti do biresî menzîlo tewr peyên
berî qebr bikuwî
bigerîyayî zere
Ti do bêrî şelênayîş
Tena kincan ra ney,
Heme rutbeyan ra…
zit bulit bimanî.
Ti lajî kam î?
Kam milet ra, kam yew qewm ra yî?
Çi ziwan qalî kenî?
Ti mîre yî, ti xulam î?
Ti namdar î, ti bênam î?
Filano binî bewan î?
Ti maldar î, ti feqîr î?
Pîr î, ciwan î?
Heme rutbeyî
Eşkawîyenî.
Her çî qeydkerde,
To se kerdo, çita werdo, çita berdo
To se vato,
Ha raşt, ha çewt
Zem û zewt
Heme çî beno eşkera
Ziwanî vera dest û lingî do qalî bikerî.
Nîyeto baş û xirab..
Heme emelî pê nîyet qîymet genî,
Heme çî sey camî orte de
“Yewme tuble’s-seraîr”*
Pers û sual
Mehkema û hesab yenê
Dima,
Cuyêko bêpeynî dest pê keno.
Vizêr to dest ra şi,
Siba zî hema nêameyo
Dem no dem o, hele na hel a
Ewro, na seate, na vîstike…
Cawo ke hema gure gureyî ra nêvîyarto
Îradeyê to ha yo to dest de..
Gamêk berze!
De hade to rê qewet bo..
Hezîrane-2013
*Yewme tuble’s-seraîr: Rojo (mehşer) ke heme sirrî (çîyê nimiteyî) benê eşkera, vejîyenî werte (Sûreyê Tariq: 86/9).
Ameyîş şelênayîş: Şêlîn
Mîre: Mîr
Maldar: Zengîn
Çita/çi: Ne
Vera: Şûna (Ziwanî vera: şûna zimanî)
Anlam için kelimeye çift tıklayın (Ferheng) Anlam için kelimeye uzun basın (Ferheng)