Taha Xelîl
Dihat ta devê derî..
fedîbûnê ew dikuşt..
li derî ne dida û vedgeriya
dihat devê derî li derî dida
fedyê ew dikuşt ...û derbas nedibû
dihat devê derî li derî dida ..derbas dibû
Laşê min li wir hişk bûbû li hêviya wê
fedyê ew dukuşt ..û dîsa derî li min digirt
û dicû..!
* * *
Sîng serê sibê û ziraqa tavê
didane avê ..
ne sîngên Eyşana Elî ne..!
ew Sîng û berê Koçerîka min in
û..... lê lê lêlê lê waye..!
* * *
Bêrîk kûr û dûr e
Qulingên mal mîrat lê dixwînin
şevên Kanuna bê şevbuhêrk in..
Dar û çinaran xwe tewandiye di pojînin..
Qamişlo nema Qamişlo ye
Xifşa Xezala min jê barkir...
* * *
Tariya bê bêhna te..
Tariya li ser lingekî dilerize
Tariya li hêviya te ..
di pencerê de sibe ye
û stêrên gumanê vedixwe
Anlam için kelimeye çift tıklayın (Ferheng) Anlam için kelimeye uzun basın (Ferheng)