Selîm Berekat
Lê mîna janekê
Bask bi pêş de diçin
Mîna janekê
kurd ber bi rastiyê ve diçin
mîna janekê
roj kor derbas dibe Mehabad
û ez
koçerî bi koçerî bi eynî şiva xwe
bi cot solên werzişî û çepikên lal
yên li ser derenceyan jibîrkirî
ez xwêdana li ser eniya te zuwa dikim
ey firîşte
û hestiyên xwe
didim ber herdu baskên te
da ku xaka li pişt te diweşe
bicivînim
bahoz bi bahoz û ciwanî bi ciwanî
li hêviya ku ez tîra dawî biawêjim
aliyên xwîna dawî
pişt re ezê xwe bijimêrim
nalîn bi nalîn
ji Mehabad ta Mehabad
Ji:MEHABAD ber bi olimpiyada Xwedê de
bo Kurdî: Jan Dost
rûpel:55-56 weşanên AVESTA
Anlam için kelimeye çift tıklayın (Ferheng) Anlam için kelimeye uzun basın (Ferheng)