Rezoyê Osê
Ji bo te ez mijan û çav û zar im
Ez im damar û ra û ez xumar im
Ji min dil bo te bû hêlîn û warek
Ez im rav û rev û ez bendewar im
Ji bo te ez gulî û şan û xal im
Ez im ew zilf û ez ew bejn û bal im
Didim ez soz û peyman û qirarek
Ji bo te ez kiras û rist û şal im
Ji bo te ez xunafim, tim dibarim
Ez im şevnem û ez pêtî û ar im
Ji min gewrê dixwazî tu çinarek
Kulîlk im ez û ez xuncê buhar im
Ez im çerx û livîn û ez zinar im
Lehî me ez, û ez şap û sûxar im
Ji min dil bo te bû kêl û kinarek
Ez im berbad û ez soz û qirar im.
Anlam için kelimeye çift tıklayın (Ferheng) Anlam için kelimeye uzun basın (Ferheng)