Qaneh
Ey weten! Dayim xerîkî şîwen û giryantim
Ey weten! Sûtawî zamî derdî bê dermantim
Ger xwa bom kabe wella giyanfîday lawantim
Ey weten! Şêwawî halî qewmî bê samantim
Dayima sewdazedey destî xem û hîcrantim
Xom ezanim çen kesas û dil birîn û rence rom!
Xom ezanim, çon duçarî zamî pirr êş û besom!
Ba bizanin yek be yek efxan û turk û fars û rom
Kohkendey bêstûnî fîrqetî şîrînî tom
Boye dayim bê teweqquf, can belagerdantim
Ey weten! Wella le bûkî yekşewe zîbatirî
To le dûsed kîmya û zêrr û gewher çatirî
Bo xumarî kele bê şik to le mey sehbatirî
To be mumtazî le fîrdewesî berîn e`latirî
Boye wek bulbul hemîşe talibî giryantim
Ew kesey tenya û be bê kes roleroy bê, her minim
Xem firoş û xem kir û ya xem be koy bê, her minim
Ger be rastî bê tewawî ya dro bê, her minim
Ger le dinya taqetî ehzanî toy bê, her minim
Wa muqîmim ey weten, wek şaxî hewramantim
Ger demîşim heldirûn, dil nale û efxan eka
Çaw be bê fîkrî derûn çon fêre xoy giryan eka
Dar û berdî hodekem, her zîkrî ya kurdan eka
`îşqî mîllet le dilma hêrş û cewlan eka
Ey weten! Bo to bifewtêm, qoçekey qurbantim
Min wekû eskenderim, kewtûme naw gêjî memat
Ey eristoy xwêndewaran! Xîretê bo rêy necat
Ey weten! Wek be`zê kes gwê nademe hat û nehat
Ger legel yadî etoda, serfî kem mudey heyat
Wa ezanim mûnisî sed kewser û `ednantim
Qan`a nezmit peşêwe, daxekem fayyey çîye?
Min ezanim hewl û dadit bê semer darî bîye
Herçî hawarê ekey, lay bê temîz her fîfîye
Bawerit bê ey weten! Lafim le eş`ara nîye
Şa`îrêkî giyanfîday, aw û heway nîştmantim
Anlam için kelimeye çift tıklayın (Ferheng) Anlam için kelimeye uzun basın (Ferheng)