N. Alêşkî
Li ber şeva tarî
pencerê vekirî dihêlim,
xişîna dargûzan,
lorîneke nerm dibîhîzim,
mîna stranekê
ji dema zarokiya min
li ser sînorê xewnê,
di hemêza xewnê,
di xewnê de jî:
di nav daristaneke
fire yî ron de dimeşim,
di nav giyayê bor,
di dergûşa kulîlkên sor
li ber bextê heyvê.
û lorîna dengnerm
dibe
dengê dayika xemrevîn,
dibe
rûyê bavê tirsrevîn.
Anlam için kelimeye çift tıklayın (Ferheng) Anlam için kelimeye uzun basın (Ferheng)