Mehmed Elî Sadiq
Zerrîya mi veşena zerrîya mi
Sek kila adirî kewta ganê mi
Bîya lete-lete qesebaya mi
Erê, to ez caverdaya şîya ça?
De vace dîlberê ti ser a şîya
Pawena nêpawena qey ti nîna
Heta key no cîyabîyayîşê ma
Erê, to ez caverdaya şîya ça?
De hên bê, mi dir nêmend sebir
Mîlçikanê wesarî ra bê tedir
Werêkna ti biameyne bi mi dir
Erê, to ez caverdaya şîya ça?
Ti sey nameyê xo yew melek a
Zerrîya mi de yew gul û vilik a
‘Umir qedya pawebê to vinderta
Erê, to ez caverdaya şîya ça?
Anlam için kelimeye çift tıklayın (Ferheng) Anlam için kelimeye uzun basın (Ferheng)