J. Îhsan Espar
"Kobanê" ti ewro
zerrîya waşta ya
to ra boya eşqî yena
ti ewro verrika dayîke
to ra boya cu yena
ti ewro
veyeka yewşewa
to ra boya henî yena...
"Kobanê" ti
zîndanê Dîyarbekirî ya ewro
to ra boya hêvî yena
ti Laleşa rehmane ewro
to ra boya şengalî yena
ti dirbeta mina xidare
to ra boya gonî yena...
"Kobanê"
ti adir a
to ra boya
homayê homayan
Ahura Mazdayî yena...
"Kobanê"
ti veşena
"Kobanê"
ti veşena
zerrîya mi de
to ra boya
Kurdistanî yena...
Anlam için kelimeye çift tıklayın (Ferheng) Anlam için kelimeye uzun basın (Ferheng)