Heybet Mamo
Qamişloka min…
Lêvên dîlana te
çav şikenandîkirin
hêsirên teyî hevirmêşî talan kirin
ristin, qewanên teyî jêhatbûyî
li ser qelîştokên meşa te
pîkolîkirin.
Qamişloka min…
hêviyên Cegerxwîn dizîn
û awazên Mihemed şêxo
kelepçe kirin.
Qamişloka min…
gurnepaşên çav şikestî
êrîşî sipehîbûna te kirin
awirên te, Qamişloka min tî kirin
hîmê demoqratiya te pûç kirin
laşê teyî rewşenî
di nexweşxana bombeyan de
girêdan,
hêlek bi armancan û hêlek pîr kirin.
Qamişloka min…
dirindeyan gunehên xwe
bi tiliyên te rast kirin
dardestekên li ser xwe
wê êvarê xistin avê
şelû kirin.
Zayîna serhildana te
ji derperînê dûr kirin
beramberî tirsî yê
hêlazên gul û nêrgizan
bêjing kirin.
Qamişloka min…
kevirên Dêrikê dane ser hev
ji bo yî te qûç rakirin
hestên axa şermola biyek pêjnê
tevlî te kirin
bi armanca te girêdan
Koban û Efrîn hevkarî kirin
Qamişloka min.
Anlam için kelimeye çift tıklayın (Ferheng) Anlam için kelimeye uzun basın (Ferheng)