Fîruzan Demir

Vat ke ti cinî ya, hiş bi Va hiş bi, qise to nêkewno Va roşe, o karê to nîyo Va ti çiçî ya, roş herûnda xo de Va mîr alawe, nan bipewje Va çi ti, çi mektebe Keyna çi zana şiro mektebe Vat ke keyna do se kero Va wa kewanîya keyî bo şiro mêrde, qeçî biyaro Bewnîyo înan ra, qayte kero Va keyna ya, tim bîyarî sere ro Va ci rê se vajê, a do ey bikero Va bimir bimir, biman bimane Va heqê ci çîyê rê çin yo çi rê na keyna zî qûla Ellay nîya! çiçî ci ra wazenê nêzana! Tim ard sere ro, kotek kerde Vanê cinet ho lingandê mar bin de Kanî wina şima hê kenê şirê cinet? Pers kena şima ra, hele vajê Na may zî keyna nêbî wextên de? Keyna may’ to ya, way’ to ya Cinîya to ya, keynay’ to ya Hele finê bifikirî na keyna kam a? Hele biewnî na may û waya to kam a? Hele bewnî na cinî û keynay’ to kam a? Wexto ke kenê cinêr, nêfikrîyenê ke! Wexto ke qeçeka nêrişenê mekteb Wexto ke danê mêrde, zeke biroşê Nêvanê na piranê se bîya Nêvanê wextê nay û mêrdî nîyo Wextê nay û wenden a, kes nêperseno Heq û huqûq ra mehrum verdanê Nêvanê na keyna kame bî? Kanî cineto lingerda mar bin de? şima qedr û qîmet da marda xo? şima may’ xo roja ke Ellay dê Kerdi erdî bine, no yo qîmetê şima? Pers kena şima ra, hele vajê! Kes hende ezîyet keno marda xo? Hele finê winî bifikirîyê se beno Oxbetî anê sere ser o zî veşnenê Ma çi rojan rê mendî qey soyinê dinya yo Kes ne vano qeç a, ne vano pîr a Her kes xo dûşne keno ci Wax dayê, ti çi rojan rê menda Ellay ti qey qandê eziyetî, ecrî, Qandê qehr û qotikî arda dinya Wax keynay’ mi to rê veşena, Na dinyaya zebanî de to rê mirena Fersendê ma kewtê zabanîyan dest Se kera ke mi laj sifte ra kerd gird to ser o Mi va lajê min o, o do ma beşekero Mi xeletey kerd, mi nêzana o do wina bo Mi xo bi xo kerd, mi ti kerda bindeste May û pêr, xo bi xo kerd Hendo ke şena biveşê, biqehrîyê Se kera qetêna ney a tepîya bêrê a xo Ney a tepîya lajanê xo biresnê Keyna cinî kam a, wa bizanê Wa may û waya xo bizanê Wa bizanê cinî û keynaya xo Wa bizanê û girdî bê dayê, bawo!