Edgar Allan Poe
Hilde vê ramûsanê ser eniyê!
Ku ji te vediqetim niha
Bihêle eşkere bibêjim wiha-
Tu ne xelet î ku dibêjî
Rojen tev xewnek bûn.
Hindî ku hêvî firîbe dûr,
Li nava şevekê an li nava rojekê
Li nava dîmenekê an li nava hîç tiştekî
Ji ber vê kêmtir dibe?
Tev tişta ku em dibînin an jî xuya dibe
Bes xewneke di nava xewnekê de ye?
Ez disekinim di navbeyna gurrîna qerxekî de
Ku pêl dibe
Û bi destên xwe digirim libên xîza zêrîn-
Çi qas kêm in! Çawa dixişin ji nava tiliyên min
Ber bi kûrahiyê ve,
Li pey digirîm -li pey digirîm!
Loo Xwedêyo!
Aya ez ê nikaribim wan zeft bikim
Bi misteke bêtir şidiyayî?
Loo Xwedêyo!
Hema yekê rizgar bikim ji pêla zalim?
Tev tişta ku em dibînin an jî xuya dibe
Bes xewneke di nava xewnekê de ye?
*Ji Îngilîzî: Samî Hêzil
**Qelareşk û Bîst Helbestên Din, Weşanên Bajar, 2004
Anlam için kelimeye çift tıklayın (Ferheng) Anlam için kelimeye uzun basın (Ferheng)