Dilo Bargiran
şewa min a tarî de estareyo bereqnaye ti ya
Roja hewrina asmenî de tîreje tînca mi ti ya
Mîyane adire gurkerdî de honikîya mi ti ya
Bine vewra zimistanî de germinîya mi ti ya
Sere koyane berzan de gula rindeke ti ya
Bine behrane xorînan de mercana beleke ti ya
Hegaye min e bejî de berîya dijna wesarî ti ya
Bexçeye gulane mi de nexşe rengînî ti ya
şewa zulmata tarî de roşne çimane mi ti ya
Roja hişa u bevenge de kilama evîna mi ti ya
Semede tele tembura mi mizrab ti ya
Cenayîşe bilure de engiştî u cîfe mi ti ya
Keyeye zerrîya mi de neqşe desan ti ya
Pe eşqî abeno berî keye mi, eşqe mi ti ya
Zerrî ser o nuştiş de qala verene ti ya
Dinya re eşkerakerdişî de qala peyene ti ya*
_____________
*Newepel, r. 6
Anlam için kelimeye çift tıklayın (Ferheng) Anlam için kelimeye uzun basın (Ferheng)