Birahîm Ebdî (Keser)
Heger bilbil ruwê yara m bibîne
Nema carkê li gulzaran dixwîne
Ewê bigrî li jîna xwey buhirtî
Bi derd û kul û dilêş wê bimîne
Ji kerba wê bi nehp û nikkilê xwe
Gulên ser çuqliyan wê daweşîne
Ji derdê sorgulan wê pirr binale
ewê nasbik ku jîna wî ne jîne
Nizanîbû bi melyonan berî wî
ji `işqa cot gulên sor tev mirîne
Belê dêmên ji rengê cot gulên sor
Ji her canî re daxwaz û xwezîne
Ji bilbil gazina nakin tucarî
Kesên derdê evîn û `işqê dîne
E jî wek bilbilê dilkul dinalim
Ji derdê sorgulan dil tev birîne
Keser, bigrî li ser rewşa xweyî jar
Neyaran bax û gulşen tev çinîne.
Anlam için kelimeye çift tıklayın (Ferheng) Anlam için kelimeye uzun basın (Ferheng)