B. Pîranij
Serra di hezar û des
Mamosta Roşanî va bes
Gelê kirdan pêser bîn
Seba dest pêkero ders
Dersa kirdî lehçe ya
Ma kirdanê dimilan
Va lez bikerê erey o
şad bikerî ganê medan
Vernî, va, ez bi qirban
Nîyadê goş bidê mi
şima rê bîyara ziwan
Armanco girs û giran
Armancê ma o yewin
Qal û qisey û xeberdayîş
Yê dîyin û hîrêyin
Weşwendiş û rastnuştiş
çi wendekar û suxtey
çi malim û mamostey
Pêro pîya pêser bîn
Têqewet kewî bi rindey
Ger pers kerî vajîme
Rayîr çi yo mamoste!
Ez do vajî musayîş
Reyna, tekrar musayîş
Badê na rayberî û
şîreto zaf erjaye
Va qey emşo bes nîyo
şewe amey nêmey şewe
Ma va, sipas mamoste
Ti merdimêko delal î
Do heme dost û hevalî
Tim o paştîya to bigêrî
Anlam için kelimeye çift tıklayın (Ferheng) Anlam için kelimeye uzun basın (Ferheng)