Alî Şeker
Vayê koyan, vaşê çolan
Gula ververojî, kîngernebî
Kokê xo ser o ruweno…
Pepûg, pumo kor, teyr û turî
Vengê xo de bisereûbere…
çi havile!
Koyan de bêvengmendişê bilure
Bîla semet nîyo zerrî…
Nê bêrîvanî, nê şîwaneyî
Ez bêsermîyan menda
Bena telîye verê çimanê şarî
şaristan û welatan de…
Awa Goşkarî
Awa çemê Sûsî
Awa Henîyê Xizirî ra
Xime xime yena
Vengê xo de oncîyayîyene
Deşt û zazanan de…
Anlam için kelimeye çift tıklayın (Ferheng) Anlam için kelimeye uzun basın (Ferheng)