Abbasî Heqîqî
Dilim matî xemî hîcranî toye
nexoşî derdî bê dermanî toye
ewa `umrêke çawim, çawekanim
xerîkî şîwen û hîcranî toye
Birînim karîye cergim birawe
ewîş karî bro û mujganî toye
dilî birdim nîgay çawî xomarit
yekew gîrawî dûmestanî toye
be qanûn hurmetî mîwanî ferze
merencêne dilim, mîwanî toye
tewafî xalî to bo min helale
dilim fîdaye û serim qurbanî toye
qiyamî qame tit qamî qiyamet
terazûy çawe kem mîzanî toye
hewalî rojî mehşer ger deprisî
xeber destî min û damanî toye
eger peymanekey de sitt şikandim
dilim meşkêne hawpeymanî toye
eto sûçit nebû çawit minî kuşt
mefermû çawe kem tawanî toye
be îmanim heta mirdin "heqîqî"
Be hîway dîtinî çawî ciwanî toye
Anlam için kelimeye çift tıklayın (Ferheng) Anlam için kelimeye uzun basın (Ferheng)