Malpera me bi pergala abonetiyê tê bikaranîn.


Weşanên Roşna

Weşanên Roşna

Weşanxaneyê Roşna 2012 de Diyarbekir de ronîya û bi giranî Kurdîya Zazakî de kitaban weşaneno. Badê ke polîtîkaya girane ya tehdakar û zordare ke se serrî ra vêşêr Tirkîya de Kurdî ser o dewam kerdêne bineyke biye sist, miyanê sînoranê siyasî yê Tirkîya de bi lehçeyanê Kurdî Kurmanckî û Zazakî rojname û kovaran dest pê kerd weşanîyayî. Demeyêk badê pey, bitaybetî warê edebîyatî de nuştoxê ke êdî daîmî nusnenê vejîyayî meydan. Sey nimûneyî, çarçewaya weşanîyayişê rojnameyê yewin yê Zazakî Newepelî de ke adarê 2011î de Diyarbekir de dest bi weşana xwu kerd, ancî kovara edebî hunerî Şewçila de gelêk nuştoxê neweyî vejîyayî meydan. Bitaybetî badê ke warê nesrî de dosyayê enê nuştoxan virazîyayî û weşanayişî rê amade biyî, Weşanxaneyê Roşna sey îhtîyacêk ame ronayiş. Weşanxaneyê Roşna ke îdareyê nuştox Roşan Lezgînî de xebata xwu dewam keno, heta nika 66 bi Zazakî, 5 bi Kurmancî û 2 zî Tirkî pêropîya 73 kitabî weşanayê. Kitabê ke Weşanxaneyê Roşna ra weşanîyayê kitabxaneyê unîversîteyanê sey University of Princeton, University of Columbia, University of Michigan de estê û ameyê katalogkerdiş. Enê unîversîteyî miyanê 20 unîversîteyanê tewr verîn yê dinya de yê. Ancî, kitabê Weşanxaneyê Roşna katalogê gelek kitabxaneyanê sey kitêbxaneyo tewr namdar British Library de zî ca gênê.

Diyar Galeria, C Blok, Kat 3, No: 9, Yenişehir Diyarbakır
rlezgin@hotmail.com
0546 610 9057
rosanlezgin.blogspot.com